Home / مقالات / 💚 علاج بدقات القلب 💚

💚 علاج بدقات القلب 💚

“وكان أحد تلاميذه وهو الذي أحبه يسوع متكئاً إلى جانب يسوع، فأومأ له سمعان بطرس وقال له : ” سله على من يتكلم”، فمال دون تكلُّف على صدر يسوع وقال له : ” من هو يا رب ؟. ( يوحنا ١٣: ٢٣-٢٥ ).

وقف لحظة ، ركّز منيح ، وأقرأ من جديد

” فمال دون تكلُّف على صدر يسوع”

نعم، في العشاء الأخير يوحنا الحبيب مال على صدر يسوع

نعم، في العشاء الأخير يوحنا الحبيب سمع دقات قلبه ليسوع

نعم، في العشاء الأخير يوحنا الحبيب سمع دقات أعظم قلب في العالم

كم كان يوحنا محظوظ ؟

كم كان يوحنا بسيط، مال على صدر يسوع بدون تكلُّف!

شو كان شعوره ليوحنا يا ترى!

حط حالك مكان يوحنا، غمض عيونك وشغل قلبك شوي

لو كنت مكان يوحنا، كم حتكون سعيد ؟

كم حتكون مخطوف !

كم حتكون محظوظ !

بنفس الوقت ، هل رح تحس بألمه ليسوع !

كان بحكي عن إلي رح يسلمه !

بجوز مشاعرك تكون ملخبطة

بجوز تحس الوقت وقف

بجوز تتمنى الوقت يوقف لتكون بين إيدين يسوع، بحضن يسوع، على صدر يسوع، سامع صوت دقات قلبه ليسوع 💚

رح وقتها تكتشف دوا جديد، علاج جديد

لكل أوجاعك، لكل جروحك، لكل آلامك

‎💚 علاج بدقات القلب 💚

رح تحاول تحكي لكل حدا عن هالعلاج

رح وقتها تتطلع بعيونه ليسوع وتحكيله : يا يسوع حبيبي، أنا مثل يوحنا شلت الكلفة وقربت، لكن إلي ما بدو يقرب، الي مش عارف يقرب، إلي خايف يقرب …

لو سمحت ساعده إنت، قرِّب إنت، شيل الكلفة وخليه يعيش معك هالتجربة !

لكن قبل ما تعمل هالشي تذكّر كلمات بولس الرسول : ” ذلك بأنَّه اختارنا فيه قبل إنشاء العالم، لنكون قديسين بلا عيب في المحبة “.   ( أفسس ١ : ٤ ).

تذكرهم منيح لحتى لما تصير قريب، ولما إذنك تلامس قلبه

تحكيله عن ضعف محبتك، عن محبتك المشروطة إله وللي حواليك وتقدر تسلمه عيوب محبتك.

لحتى كمان تحكيله كمان، إنّك حاطط كل ثقتك فيه ليقود دفة حياتك ووقتها كون متأكد !

كل شي رح يتعدل …

او بالأصح، كلشي سيء عم بتعيشه رح تقدر تصبر عليه، رح تقدر تحمله بثقة، رح تقدر تحمل صليبك بقوة وتوصل فيه للسما

كمان كلشي حلو عم بتعيشه، رح تعيشوا بفرح أكبر، رح تقدر تشاركوا مع يسوع ومع حواليك

رح تقدر تكون متطمن ، لأنّك قريب من قلب ما بحب شي أكتر منك انت الإنسان 💚
 

#حب_كبير_لكل_حدا_بيقرأ_هالكلمات_من_قلبي
بقلم أمل حداد
💚

 

About شبيبة أونلاين

موقع كاثوليكي تفاعلي يخاطب الشباب باللغة العربية بطريقة عصرية جذابة ويستخدم وسائط متعددة لمحاولة الوصول الى أكبر عدد ممكن من شريحة الشباب كما يخصص الموقع جزء كبير من صفحاته لمحاولة مساعدة مسؤول الشبيبة في الرعايا المختلفة في ادارة فرقته وتحقيق أفضل النتائج عن طريق مواد تعليمية وترفيهية ومواضيع روحية مناسبة لجميع الفئات العمرية داخل الشبيبة.

Check Also

اذا ما فادك، ما رح يضرك

المثل حكالنا :”جرِّب اذا ما فادك، ما رح يضرك” ما توقعت بيوم استخدم هالعبارة لحياتنا …

Leave a Reply

Your email address will not be published.