الرئيسية / مقالات / اذا ما فادك، ما رح يضرك

اذا ما فادك، ما رح يضرك

المثل حكالنا :”جرِّب اذا ما فادك، ما رح يضرك”

ما توقعت بيوم استخدم هالعبارة لحياتنا المسيحيّة

هالعبارة بتحكي إنّك تجرِّب الإشي و هالإشي إذا ما فادك عالأكيد انه ما رح يضرك

أنا اليوم بحكيلك إلك إنت

جرِّب المسيح، جرِّب المسيحيّة

جرِّب الكتاب المقدّس

إقرأه، اسمع عن يسوع، اسمع يسوع نفسه

جرِّب تكون مسيحيَِ، مش تقليديّ

تكون مسيحيّ بإيمانك وحياتك

بأمانتك وصدقك وقوتك

تكون مسيحيّ برحمتك و مسامحتك

الكتاب المقدس حكالنا: “كان في العالم، وبه كان العالم، و العالم لم يعرفه.  جاء الى أهل بيته فما قبله أهل بيته.”

“فما قبله أهل بيته”

ما قبلته، ما فتحتله لإني مش مضطر أعيش حياته

مش مضطر أتخلى عن كل همومي وأفكاري وأحلامي مقابل إني أفتحله الباب وأقبله

يسوع المسيح إلي حطك مكان ما إنت اليوم

إلي خلى منك إنسان ناجح

إلي بوقت ما كنت تدور ع أي شخص يسمعك، كان يضل سهران ع زعلك

يسوع المسيح اللي قرَّر ينزل ليخلصك

إنت ما قبلته!  ما قبلت خلاصه

الخلاص إلي كلنا محتاجينه لنرتاح ونتخلص من الألم

إنت رفضته!

فيها شوية أنانية

بعرف إنه كلنا إجينا مسيحين بالإسم

بس مهمتك تعرف وتكتشف وتقرِّر

تكون مسيحيّ بأعمالك بكل إشي فيك

ما تضل هيك ع حالك بدون قرار

ما توخذ الحياديّة و تمشي

خذ قرار اليوم بحياتك، يا أبيض، يا أسود

لأنّه يسوع حكى بكتابه إذا كان فاتر أنا مزعم أن اتقيأه من فمي

جربه، ما رح يضرك

جربه رح تلاقي كل الأجوبة عنده

أعطيه فرصة وأعطي حالك فرصة، يغير من حياتك وتفاصيلك للأحسن

خذ هالقرار و امشي بس هالخطوة

ما رح تخسر

إذا ما استفدت من خوض التجربة ما راح تنضر لأنه الله ما راح يضرك ولا بضرك

 

بقلم كاميليا نمور

 

عن شبيبة أونلاين

موقع كاثوليكي تفاعلي يخاطب الشباب باللغة العربية بطريقة عصرية جذابة ويستخدم وسائط متعددة لمحاولة الوصول الى أكبر عدد ممكن من شريحة الشباب كما يخصص الموقع جزء كبير من صفحاته لمحاولة مساعدة مسؤول الشبيبة في الرعايا المختلفة في ادارة فرقته وتحقيق أفضل النتائج عن طريق مواد تعليمية وترفيهية ومواضيع روحية مناسبة لجميع الفئات العمرية داخل الشبيبة.

شاهد أيضاً

رحلة سانتياغو الأولى

سانتياغو: “أينَ أذهب؟ أيَّ طريقٍ أختار؟ أين سعادَتي؟ الحربُ قائمةٌ في البلاد، والشعبُ ينزفُ بعدَ …

اترك تعليقاً

لن يتم نشر عنوان بريدك الإلكتروني.